Tibbi istiqamət
Damar cərrahiyyəsi
Alyans Clinic-də ürək-damar cərrahı Uzm. Dr. Arzu Vahid Məmmədov (Arzu Vahidoğlu) müəyyən günlərdə qəbul aparır. Qəbulda ayaq venaları və arteriyalarının vəziyyəti həkim müayinəsi və Doppler USM ilə qiymətləndirilir.
- Qəbul: Qonaq həkim
- 1 mütəxəssis · 1 qonaq
Dayaq-hərəkət sistemi və damarlar
Hansı hallarda damar cərrahına müraciət etmək lazımdır?
- ayaqlarda görünən, genişlənmiş damarlar (varikoz)
- axşamlar artan şişkinlik, ağırlıq və yorğunluq hissi
- ayaqlarda gecə qıc olmaları, dəridə tündləşmə, çətin sağalan yaralar
- yeriyərkən baldırda ağrı və dayanmağa məcbur olmaq
- ayaqlarda soyuqluq, rəng dəyişikliyi.
Qəbulda nələr aparılır?
- həkim müayinəsi və konsultasiya;
- venoz Doppler USM;
- müalicə üsullarının seçimi: dərman və kompressiya müalicəsi, skleroterapiya, varikozun endovenoz lazer ablasiyası (EVLA) və digər üsullar həkimin rəyinə əsasən müzakirə olunur.
Həkimin təcrübə sahələri
Varikozun lazer (EVLA) və skleroterapiya ilə müalicəsi, flebektomiya, periferik arteriyalarda şuntlama əməliyyatları, karotid endarterektomiya, embolektomiya, dializ xəstələri üçün arterio-venoz fistulanın yaradılması, arterio-venoz malformasiyaların müalicəsi. Cərrahi müdaxilənin harada və necə aparılacağını həkim ayrıca izah edir.