Tibbi istiqamət
Qastroenterologiya və endoskopiya
Alyans Clinic-də qastroenteroloq-endoskopist Dr. Elnur Süleymanov həftənin 6 günü qəbul aparır. Həkim həm konsultasiya edir, həm də endoskopik müayinələri — qastroskopiya və kolonoskopiyanı — klinikanın özündə aparır.
- Qəbul: Daimi (həftədə 6 gün)
- 1 mütəxəssis
Daxili xəstəliklər
Hansı şikayətlərlə müraciət etmək lazımdır?
- qarın ağrısı, mədədə yanma, qıcqırma
- köp, qaz, həzmsizlik
- ürəkbulanma, qusma, iştahsızlıq
- uzun sürən qəbizlik və ya ishal
- udma çətinliyi
- dəri və gözlərdə saralma
- nəcisdə qan, səbəbsiz çəki itkisi.
Klinikada hansı müayinələr aparılır?
- Qastroskopiya — yemək borusu, mədə və onikibarmaq bağırsağın müayinəsi, lazım olduqda biopsiya;
- Kolonoskopiya — yoğun bağırsağın müayinəsi, poliplərin götürülməsi;
- Qarın boşluğu USM-i;
- Laborator analizlər — qaraciyər sınaqları, Helicobacter pylori testləri və s.
Qastroskopiya və kolonoskopiya icbari tibbi sığorta çərçivəsində də aparılır.
Tez-tez verilən suallar
Endoskopiyadan qorxuram. Müayinə necə keçir?
Müayinə yerli keyidici və ya sedasiya ilə aparıla bilər. Həkim əvvəlcədən hansı variantın sizə uyğun olduğunu izah edir. Qastroskopiya adətən 10–20 dəqiqə çəkir.
Kolonoskopiyaya nə qədər əvvəl hazırlaşmağa başlamalıyam?
Adətən 1–2 gün əvvəl lifsiz pəhrizə keçilir, bir gün əvvəl yalnız şəffaf mayelər içilir və təmizləyici məhlul həkimin təlimatına uyğun qəbul olunur. Yazılı təlimatı qeydiyyat zamanı alın.
